ಇಲ್ಲೊಬ್ಬಳು ಪೋಕ್‌ಮನ್‌ನಿಂದ ಅತ್ಯಾಚಾರ ಆಗಿದ್ದಳಂತೆ!

ಪಾಶ್ಚಾತ್ಯ ದೇಶಗಳಲ್ಲಿ ಹುಟ್ಟಿಕೊಂಡ ಮಾಂತ್ರಿಕ ಗೇಮ್ ಪೋಕ್‌ಮನ್‌ ಬಗ್ಗೆ ನೀವು ಕೇಳಿರಬಹುದು. ಈ ಆಟದ ಬಗ್ಗೆ ಇಲ್ಲ ಸಲ್ಲದ ಗಾಸಿಪ್‌ಗಳೂ ಕೇಳಿಬಂದಿದ್ದವು. ರಷ್ಯಾದ ಮಹಿಳೆಯೊಬ್ಬಳು ತಾನು ಪೋಕ್‌ಮನ್‌ ಪಾತ್ರಧಾರಿಯಿಂದ ಅತ್ಯಾಚಾರಕ್ಕೊಳಗಾಗಿರುವುದಾಗಿ ದೂರು ನೀಡಿದ್ದಳು. ಈ ದೂರನ್ನು ನೋಡಿದ ಪೊಲೀಸರು ಒಮ್ಮೆ ದಂಗಾಗಿ ಆಮೇಲೆ ಬಾಯ್ಬಾಯಿ ಬಡಕ್ಕೊಂಡರಂತೆ. 

ಹಿಂದಿನ ದಿನ ರಾತ್ರಿ ಮಲಗುವವರೆಗೆ ತಾನು ಪೋಕ್‌ಮನ್‌ ಗೇಮ್ ಆಡಿರುವುದಾಗಿ ಹೇಳಿಕೊಂಡಿರುವ ಆ ಮಹಿಳೆ ಬೆಳಿಗ್ಗೆ ಎದ್ದಾಕ್ಷಣ ತನ್ನೊಂದಿಗೆ ಪೋಕ್‌ಮನ್‌ ಕೂಡ ಮಲಗಿರುವುದನ್ನು ಕಂಡಿದ್ದಾಳೆ. ಆ ಪಾತ್ರಧಾರಿ ರಾತ್ರಿವೇಳೆ ತನ್ನ ಮೇಲೆ ಅತ್ಯಾಚಾರ ಮಾಡಿದೆ ಎಂದು ಆರೋಪಿಸಿದ್ದಾಳೆ. ಹಾಸಿಗೆಯಿಂದೆದ್ದು ನೋಡಿದರೆ ಪೋಕ್‌ಮನ್‌ ಪಾತ್ರಧಾರಿ ಮಾಯವಾಗಿತ್ತು ಎಂದು ದೂರಿನಲ್ಲಿ ಹೇಳಿಕೊಂಡಿದ್ದಾಳೆ.

ಆ ಆಟದಲ್ಲಿ ಪೋಕ್‌ಮನ್‌ ಹಲವಾರು ದಿನಗಳಿಂದ ತನ್ನ ಮನೆಯ ಆಸುಪಾಸಿನಲ್ಲೇ ಸುಳಿದಾಡುತ್ತಿರುವುದನ್ನು ನಾನು ಕಣ್ಣಾರೆ ಕಂಡಿದ್ದೇನೆ ಎಂದೂ ಆಕೆ ಹೇಳಿದ್ದಾಳೆ. ಈಕೆಯ ದೂರು ಪಡೆದುಕೊಂಡು ಕಂಗಾಲಾಗಿರುವ ಪೊಲೀಸರು ಸಾಧ್ಯವಾದಷ್ಟು ಬೇಗ ಮನಶಾಸ್ತ್ರಜ್ಞರನ್ನು ಭೇಟಿಯಾಗಲು ಆಕೆಗೆ ಸಲಹೆ ನೀಡಿದ್ದರಂತೆ.