ರೆಟ್ರೋ ವಾಲ್ ಪೇಂಟಿಂಗ್ಸ್

ಸುಮ್ಮನೆ ಖಾಲಿಬಿಟ್ಟ ಗೋಡೆಗಿಂತ ಚಂದದ್ದೊಂದು ಚಿತ್ರ, ಫೋಟೋ ತೂಗು ಹಾಕಿದ ಮನೆಯ ಗೋಡೆ ನೋಡೋಕೆ ಅಂದ. ವಾಲ್ ಪೇಂಟಿಂಗ್ಸ್ ಮನೆಯ ಅಂದ ಹೆಚ್ಚಿಸೋದಷ್ಟೇ ಅಲ್ಲ, ಅವರವರ ಅಭಿರುಚಿಗೆ ತಕ್ಕಂತೆ ಭಾವನಾತ್ಮಕವಾಗಿಯೂ ತಾಕಿ, ಮನಸ್ಸನ್ನು ಹಿತಗೊಳಿಸುತ್ತವೆ. 

ಸಾಮಾನ್ಯ ವಾಲ್ ಪೇಂಟಿಂಗೂ ರೆಟ್ರೋ ವಾಲ್ ಪೇಂಟಿಂಗೂ ಅಂಥ ಹೆಚ್ಚಿನ ಭಿನ್ನತೆಯೇನೂ ಇಲ್ಲ. ಆದರೂ ವಿಂಟೇಜ್ ಪೇಂಟಿಂಗ್ ಗಳು ಅದರದ್ದೇ ಧಾಟಿಯಲ್ಲಿ ಸೆಳೆಯುತ್ತವೆ. ಮಾಡರ್ನ್ ಪೇಂಟಿಂಗ್ ಗಳನ್ನು ತೂಗು ಹಾಕಿದ್ದ ಮನೆಗಳಿಗೆ ಭೇಟಿ ಕೊಟ್ಟವರು ರೆಟ್ರೋ ಪೇಂಟಿಂಗ್ ತೂಗು ಹಾಕಿದ್ದ ಮನೆಗೆ ಭೇಟಿ ಕೊಟ್ಟಾಗ ಆ ಪೇಂಟಿಂಗ್ ಗಳು ಎಂಥದ್ದೋ ರೀತಿಯಲ್ಲಿ ಸೆಳೆಯುತ್ತವೆ; ರಾಕ್ ಮ್ಯೂಸಿಕ್ ಗಳನ್ನು ಕೇಳಿ ಕೇಳಿ ಒಂದಿನ ಮಹಮ್ಮದ್ ರಫೀ, ಪಿಬಿ ಶ್ರೀನಿವಾಸ್, ಬೇಂದ್ರೆ ಭಾವಗೀತೆಗಳನ್ನು ಕೇಳುವಾಗಿನ ಹಿತದ ಹಾಗೆ! 

ಸ್ಪೆಶಾಲಿಟಿ

ಮಾಮೂಲಿ ಪೇಂಟಿಂಗ್ ಗಳಿಗಿಂತ ಕೊಂಚವೇ ಭಿನ್ನವಾದ ಥೀಂಗಳು ರೆಟ್ರೋ ವಾಲ್ ಪೇಂಟಿಂಗ್ ಗಳು ಸಿಕ್ಕುತ್ತವೆ. ಯಾವುದೋ ಹಕ್ಕಿ, ಪ್ರಾಣಿ, ಮನುಷ್ಯನ ಮುಖ, ಮರದ ರೆಂಬೆ, ವಿಚಿತ್ರ ಹೂಗಳು, ಎಂದತ್ತೋ ಕತೆ ಉಸುರುವ ಬಣ್ಣದ ರೇಖೆಗಳು, ಸುಮ್ಮನೆ ತೆಗೆದ ಹಳೆ ಕಾರಿನ ಚಿತ್ರ ಹೀಗೆ ಎಲ್ಲವೂ ಮನಸ್ಸಿಗೆ ಹಿಡಿಸುವ ಹಾಗೆ ರೆಟ್ರೋ ವಾಲ್ ಪೇಂಟಿಂಗ್ ಗಳಿರುತ್ತವೆ. ಮತ್ತೆ ರೆಟ್ರೋ ಪೇಂಟಿಂಗ್ ಹಳೆ ಕೈಗಳು ಬರೆದಂತವು. ಹಾಗಾಗೇ ಅವು ಈಗಿನ ವಾಲ್ ಪೇಂಟಿಂಗ್ ಗಳಿಗಿಂತ ಕೊಂಚ ಭಿನ್ನತೆಯನ್ನು ಹಿಡಿದಿಟ್ಟುಕೊಂಡಿರುತ್ತವೆ.

ಸೈಕಾಲಾಜಿಕಲ್ ಇಶ್ಯು 

ವಾಲ್ ಪೇಂಟಿಂಗ್ ಗಳಿಗೆ ಮನಸ್ಸನ್ನು ಉಲ್ಲಾಸಿತಗೊಳಿಸೋ ಶಕ್ತಿಯಿದೆ. ರೆಟ್ರೋ ವಾಲ್ ಪೇಂಟಿಂಗ್ ಗಳಲ್ಲೂ ಸೈಕಾಲಾಜಿ ರಿಲೇಟೆಡ್ ಥೀಂಗಳಿವೆ. ಮನಸ್ಸು ರಿಲಾಕ್ಸ್ ಗೊಳಿಸಬಲ್ಲ ಭಿನ್ನ ಪೇಂಟಿಂಗ್ ಗಳು, ಇನ್ಸ್ಪೈರೇಷನಲ್ ಬರಹಗಳು, ರೇಖೆಗಳ ಪೇಂಟಿಂಗ್ ಗಳು ಮನಸ್ಸಿಗೆ ಮುದ ನೀಡುತ್ತವೆ. ಹಾಗಾಗಿ ಮನೆ-ಮನಸ್ಸಿನ ಹಿತಕ್ಕಾಗಿ ರೆಟ್ರೋ ಪೇಂಟಿಂಗ್ ಗಳತ್ತವೊಮ್ಮೆ ಇಣುಕಿ ನೋಡಬಹುದು.