ಕತ್ತಲೇಲಿ ನಾವಿದ್ದಲ್ಲಿಗೆ ಬರಲು ಸೊಳ್ಳೆಗಳು ಎಂಥಾ ಐಡಿಯಾ ಮಾಡ್ತವೆ ಗೊತ್ತಾ?!

ನೀವು ರಾತ್ರಿ ಹೊತ್ತು ಕರೆಂಟ್ ಆಫ್ ಮಾಡಿ ಕತ್ತಲೇಲಿ ರೂಮಿನ ಮೂಲೆಯಲ್ಲಿ ಅಡಗಿ ಕುಳಿತುಕೊಂಡು ನೋಡಿ; ಅದ್ಯಾವ ಮೂಲೆಯಲ್ಲಿ ನೀವು ಕದ್ದು ಕೂತಿದ್ದರೂ ಸೊಳ್ಳೆಗಳು ಮ್ಯೂಸಿಕ್ಕು ಹಾಕುತ್ತಾ ನಿಮ್ಮ ಸಮೀಪಕ್ಕೆ ಬರುತ್ತವೆ. ಕತ್ತಲಿನಲ್ಲಿ ಮನುಷ್ಯರಿಗೆ ಕಣ್ಣು ಕಾಣಿಸುವುದಿಲ್ಲ. ಆದರೆ ಸೊಳ್ಳೆಗಳಿಗೆ ಬೆಳಕಿಲ್ಲದೆಯೂ ಕಾಣಿಸುತ್ತದೆಯೇನೋ ಅಂತ ನೀವಂದುಕೊಂಡಿದ್ದೀರಾ? ಹ್ಞುಂ ಹ್ಞುಂ..

ಅಸಲಿಗೆ ಸೊಳ್ಳೆಗಳಿಗೂ ನಮ್ಮಂತೆ ರಾತ್ರಿಯ ಹೊತ್ತು ಕಣ್ಣು ಕಾಣಿಸುವುದಿಲ್ಲ. ಆದರೂ ಅವು ಕತ್ತಲಿನಲ್ಲಿ ನಾವಿದ್ದೆಡೆ ಬರುತ್ತವೆ ಹೇಗೆ? ಸೊಳ್ಳೆಗಳು ಅದಕ್ಕೊಂದು ಸೂಪರ್ ಐಡಿಯಾ ಮಾಡ್ತವೆ. 

ಮನುಷ್ಯನ ದೇಹದ ಉಷ್ಣತೆ ಮತ್ತು ವಾಸನೆ ಸೊಳ್ಳೆಗಳನ್ನು ಬೇಗನೆ ಆಕರ್ಷಿಸುತ್ತವೆ. ನಾವು ಉಸಿರು ಬಿಡುವಾಗ ಹೊರ ಬರುವ ಇಂಗಾಲದ ಡೈ ಆಕ್ಸೈಡ್ ಮತ್ತು ನಮ್ಮ ದೇಹದಿಂದ ಹೊರ ಬರುವ ಬೆವರು (ಮುಖ್ಯವಾಗಿ ಬೆವರಿನಲ್ಲಿರುವ ರಾಸಾಯನಿಕ ಲ್ಯಾಕ್ಟಿಕ್ ಆಮ್ಲ) ಸೊಳ್ಳೆಗಳು ನಮ್ಮ ಸಮೀಪಕ್ಕೆ ಬರಲು ಉತ್ತೇಜನ ನೀಡುತ್ತವೆ. 

ಕತ್ತಲಿನಲ್ಲಿ ನಮಗಂತೂ ಸೊಳ್ಳೆಗಳು ಕಾಣಿಸುವುದಿಲ್ಲ. ಸೊಳ್ಳೆಗಳಿಗೂ ನಾವು ಕಾಣಿಸದಿದ್ದರೂ ಅವುಗಳಿಗೆ ನಮ್ಮನ್ನು ವಾಸನೆಯ ಮೂಲಕ ಪತ್ತೆಹಚ್ಚುವ ಉಪಾಯ ಗೊತ್ತಿದೆ ನೋಡಿ, ಹಾಗಾಗಿ ಅವು ಕತ್ತಲಿನಲ್ಲೂ ನಾವಿದ್ದ ಜಾಗಕ್ಕೆ ಹುಡುಕಿಕೊಂಡು ಬರುತ್ತವೆ. 

ಕತ್ತಲಿನಲ್ಲಿ ಸೊಳ್ಳೆಗಳು ನಿಮ್ಮನ್ನು ಹುಡುಕಿಕೊಂಡು ಬರುತ್ತವೋ ಇಲ್ಲವೋ ಅಂತ ನೀವು ಬೇಕಾದರೆ ಟೆಸ್ಟ್ ಮಾಡಿ ನೋಡ್ಬೋದು; ಆದ್ರೆ ಟೆಸ್ಟಿನ ವೇಳೆ ಸೊಳ್ಳೆ ಬತ್ತಿ ಅಥವಾ ಮೊಸ್ಕ್ವಿಟೋ ಲಿಕ್ವಿಡ್ ಹಚ್ಚಿಟ್ಟಿರಬಾರ್ದಷ್ಟೇ!

-ಸದಾ ಸಕಲೇಶಪುರ.