ಸ್ಪಂಜುಗಳೆಂದು ಅಲ್ಲಗೆಳೆಯುವಂತಿಲ್ಲ, ಸ್ಪಂಜಿನೊಳಗೂ ಸ್ಪೆಶಲ್ ಇದೆ!

ಸಾಗರದಾಳದಲ್ಲಿ ಕಂಡುಬರುವ ಸ್ಪಂಜುಗಳು ಬರೀ ಕಣ್ಣಿಗೆ ಆಕರ್ಷಕವಾಗಿ ಕಾಣಿಸುವುದಲ್ಲ, ಸ್ಪಂಜುಗಳು ಆಕರ್ಷಕವಾಗಿ ಕಾಣುವುದಷ್ಟೇ ಅಲ್ಲದೆ ಅವುಗಳಿಗೆ ಕೆಲವೊಂದು ವಿಶೇಷ ಗುಣಗಳಿವೆ. ಅಷ್ಟೇ ಅಲ್ಲ, ಸ್ಪಂಜುಗಳಿಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭರ್ಜರಿ ಬೇಡಿಕೆಯೂ ಇದೆ.

ಸ್ಪಂಜುಗಳಲ್ಲಿ ಲಿಂಗ ಮತ್ತು ನಿರ್ಲಿಂಗ ರೀತಿಯ ಸಂತಾನೋತ್ಪತ್ತಿ ವಿಧಾನಗಳು ಕಂಡುಬರುತ್ತವೆ. ಸಿಹಿ ನೀರಿನಲ್ಲಿ ವಾಸಿಸುವ ಸ್ಪಂಜುಗಳಲ್ಲಿ ನಿಲರ್ಿಂಗ ರೀತಿಯ ಸಂತಾನೋತ್ಪತ್ತಿಯು ಜೆಮ್ಯೂಲ್ಗಳೆಂಬ ರಚನೆಗಳ ಮೂಲಕ ನಡೆಯುತ್ತವೆ.

ಉಪ್ಪು ನೀರಿನಲ್ಲಿ ಕಂಡುಬರುವ ಸ್ಪಂಜುಗಳಲ್ಲಿ ಲೈಂಗಿಕ ರೀತಿಯ ಸಂತಾನೋತ್ಪತ್ತಿ ಕಂಡುಬರುತ್ತದೆ. ಇವುಗಳಲ್ಲಿ ಸಂತಾನೋತ್ಪತ್ತಿಯು ಪುರುಷಾಣು ಮತ್ತು ಅಂಡಾಣುಗಳ ಉತ್ಪತ್ತಿ ಮತ್ತು ನಿಶೇಚನದಿಂದ ನಡೆಯುತ್ತದೆ.

ಪ್ರೌಢ ಸ್ಪಂಜು ಪ್ರಾಣಿ ಒಂದು ಕಡೆಯಿಂದ ಮತ್ತೊಂದು ಸ್ಥಳಕ್ಕೆ ಚಲಿಸದು, ಮುಟ್ಟಿದರೂ ಪ್ರತಿಕ್ರಿಯಿಸುವುದಿಲ್ಲ. ಅಂದ್ಹಾಗೆ ಸ್ಪಂಜುಗಳನ್ನು ಮಹಿಳೆಯರ ಆಭರಣ ತಯಾರಿಕೆಯಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ಜೊತೆಗೆ ಸ್ಪೋಟಕ ಸಾಮಾಗ್ರಿಗಳ ಸಾಗಾಣಿಕೆಯಲ್ಲಿ, ಚಾಕ್ಷುಷ ಉಪಕರಣಗಳ ತಯಾರಿಕೆಯಲ್ಲಿ, ಕಲಾ ಸಾಮಾಗ್ರಿಗಳ ನವೀಕರಣದಲ್ಲಿ ಬಳಸಲಾಗುವುದರಿಂದ ಇವುಗಳಿಗೆ ಬಹುಬೇಡಿಕೆಯಿದೆ.