ತಂಬಾಕಿನ ಹೊಗೆಗೂ ಆಕಾಶದ ಮೋಡಕ್ಕೂ ಸಂಬಂಧವುಂಟಂತೆ!?

ಅಮೆರಿಕಾದಲ್ಲಿ ಪ್ರಾಚೀನ ಮಾಯಾನ್ನರಿಗಿಂತ ಬಹಳ ಮೊದಲೇ ಒಲ್ಮೆಕ್ ಎಂಬ ಜನಾಂಗವೊಂದಿತ್ತು ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ. ಈ ಒಲ್ಮೆಕ್ ಜನರಲ್ಲಿ ಇದ್ದ ಒಂದು ವಿಚಿತ್ರ ನಂಬಿಕೆಯನ್ನು ಕೇಳಿದರೆ ನೀವು ಏನೆನ್ನುವಿರೋ ಏನೋ.

ಒಲ್ಮೆಕ್ ಜನರ ಕಾಲದಲ್ಲಿ ಮೆಸೋ ಅಮೆರಿಕಾದಲ್ಲಿ ತಂಬಾಕಿನ ಬೆಳೆ ಮತ್ತು ತಂಬಾಕಿನ ಉಪಯೋಗ ಇತ್ತೆನ್ನಲಾಗುತ್ತದೆ. ಅಥವಾ ಇನ್ನೂ ಕಾಡಿನ ಉತ್ಪನ್ನವಾಗಿದ್ದ ತಂಬಾಕನ್ನು ಒಲ್ಮೆಕ್ ಜನರು ತಮ್ಮ ಮೇಲೆ ಪ್ರಯೋಗಿಸಿಕೊಂಡು ನಶೆಯಲ್ಲಿ ತೇಲಾಡುವ ಅನುಭವ ಪಡೆಯುತ್ತಿದ್ದರು.

ತಂಬಾಕಿನಿಂದ ಬರುವ ಹೊಗೆಗೂ ಆಕಾಶದಲ್ಲಿ ತೇಲುವ ಮೋಡಗಳಿಗೂ ಸಂಬಂಧ ಉಂಟೆಂದು ಅವರು ನಂಬಿದ್ದರು. ತಾವು ಸೇದಿಬಿಟ್ಟ ಹೊಗೆಯೇ ಮೋಡವಾಗಿದೆಯೆಂದು ಅವರು ಭಾವಿಸುತ್ತಿದ್ದರಂತೆ. ಹಾಗಾಗಿ ಮರುಣನಲ್ಲಿ ಮಳೆ ಬರಬೇಕೆಂದು ಬೇಡಿಕೆಯನ್ನಿಡುವಾಗೆಲ್ಲಾ ಅವರು ಸಾಮೂಹಿಕವಾಗಿ ತಂಬಾಕು ಸೇವಿಸಿ ಆದಷ್ಟು ಮೋಡಗಳನ್ನು ದಟ್ಟೈಸಲು ಪ್ರಯತ್ನಿಸುತ್ತಿದ್ದರಂತೆ.