ಹಾಲು ಕೊಡುವ ಗಂಡು ಹೋತ! (ಈ ಜಗ-ಸೋಜಿಗ!)

ಅಚ್ಚರಿಯ ಸಂಗತಿಗಳು ಒಮ್ಮೆ ಕೇಳಿದ್ದರೂ ಮತ್ತೆ ಮತ್ತೆ ಕೇಳೋಕೆ ಬೋರ್ ಅನ್ನಿಸುವುದಿಲ್ಲ. ಏಕೆಂದರೆ ಮೊದಲೇ ಗಮನಿಸಿರುವ ಅಚ್ಚರಿಯ ಸಂಗತಿಯೊಂದು ತಿಂಗಳು ಕಳೆದು ಮತ್ತೊಮ್ಮೆ ಕಣ್ಣಿಗೆ ಬಿದ್ದಾಗಲೂ 'ಇದ್ಹ್ಯಾಗಪ್ಪಾ ಸಾಧ್ಯ?!' ಅನ್ನೋ ಕೌತುಕವೊಂದು ನಮ್ಮನ್ನಾವರಿಸಿ ಕಾಡಲು ಶುರುಮಾಡದೆ ಇರಲಾದರು. ನೀವು ಈ ಹಿಂದೆ ಕೇಳಿರಬಹುದಾಗ, ಆದರೂ ಕೇಳುವಾಗೆಲ್ಲಾ ಚಕಿತ ಮೂಡಿಸುವ ಅಂಥದ್ದೇ ಸಂಗತಿ ಇಲ್ಲೊಂದಿದೆ ನೋಡಿ (ಚಿತ್ರಕೃಪೆ: ಪ್ರಜಾವಾಣಿ).

ರೋಗ ವಾಸಿ: ಕುರಿ ಹಾಲಿಗಾಗಿ ಮುಗಿಬಿದ್ದ ಜನ (ಇದೇ ಸ್ಟೋರಿಗೆ ಸಂಬಂಧಿಸಿ ಪ್ರಜಾವಾಣಿಯ ಕುತೂಹಲಕಾರಿ ಸುದ್ದಿ ಓದಿ)

ಕರ್ನಾಟಕ ರಾಜ್ಯದ ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲ್ಲೂಕಿನ ಅಕ್ಕೂರ ಗ್ರಾಮದಲ್ಲಿ ಬಾಳು ಮಾಮ ಎಂಬವನೊಬ್ಬ ವ್ಯಕ್ತಿಯಿದ್ದ. ಅವನು ನೂರಾರು ಕುರಿಗಳನ್ನು ಸಾಕಿದ್ದ. ಎಲ್ಲ ಕುರಿಗಳೂ ಬಾಳು ಮಾಮನ ಕೇವಲ ಬಾಯಿ ಸನ್ನೆಯಿಂದ ಮಾಲೀಕನ ಹೇಳಿಕೆಗಳನ್ನು ಗುರುತಿಸುತ್ತಿದ್ದುವಂತೆ.

ಬಾಳು ಮಾಮನಿಗಿರುವ ನೂರಾರು ಕುರಿಗಳ ಹಿಂಡಿನಲ್ಲಿ ಒಂದು ಗಂಡು ಹೋತ ಇತ್ತು. ಅಚ್ಚರಿಯೆಂದರೆ ಈ ಗಂಡು ಹೋತ ದಿನಾಲೂ ಮೂರರಿಂದ ನಾಲ್ಕು ಲೀಟರ್ ಹಾಲು ಕೊಡುತ್ತಿತ್ತು. ಹಾಗಾದರೆ ಈ ಕುರಿಯ ದೈಹಿಕ ರಚನೆ ಹೇಗಿರಬಹುದು. ದೈಹಿಕವಾಗಿ ಇದು ಗಂಡಾಗಿದ್ದರೂ ಅದಕ್ಕೆ ತದ್ವಿರುದ್ದವಾಗಿ ಹಾಲು ಹೇಗೆ ಉತ್ಪತ್ತಿಯಾಗುತ್ತಿರಬಹುದು?!

ಗಂಡು ದೇಹದ, ಹೆಣ್ಣಿನ ಮನಸ್ಸಿರುವ ಮನುಷ್ಯನಾದರೂ ಔಷದೋಪಚಾರಗಳಿಂದ, ಅಂಗಾಂಗ ಶಸ್ತ್ರಚಿಕಿತ್ಸೆಯ ವಿಧಾನದಿಂದ ಮಗುವನ್ನು ಪಡೆಯಲು ಸಾಧ್ಯವಾದೀತೇನೋ. ಆದರೆ ಇಂಥ ಪ್ರಾಣಿಗಳಿಗೆ ಅಂಥದ್ದೊಂದು ಅದ್ಭುತ ಶಕ್ತಿ ಕೊಟ್ಟವರ್ಯಾರಿರಬಹುದು?! ಈ ಜಗ-ಸೋಜಿಗವಲ್ಲವೆ?